حل الفنان مصطفى خاطر ضيف على برنامج فايق ورايق والذي يقدمه الإعلامي إبراهيم فايق على موقع الفيديوهات الشهير يوتيوب وراديو ستوديو 77، وكشف خلاله العديد من المواقف الطريفة.

مصطفى خاطر: أحمد السقا كان عايز يضرب أنور بالنار 

وقال مصطفى خاطر في تصريحات رصدها موقع تحيا مصر، متحدثا عن الموقف الذي دار بينه وبين أنور وأحمد السقا في إحدى السهرات الليلية لجموع الفنانين: كنا معزومين عند علاء الشربيني ومحمد أنور جه متأخر فالسقا بيقوله أنت ازاي تيجي في حتة مقطوعة متأخر كدة لوحدك انت مسدسك مرخصه، قاله مش معايا مسدس اصلا فخلص الحوار معاه ومش، قام محمد أنور قايل هو هيعملنا أكشن في كل حاجة روحنا قولنا للسقا.. السقا كان مصر يحط تفاحه على راس أنور ويضربها بالنار.

مصطفى خاطر: أنا وشي بريء بس بعمل مصايب

وتطرق مصطفى خاطر بحديقه عن طفولته وكيف كانت مليئة بأعمال الشر والمقالب، حيث كشف موقف طريف له اثناء الدراسة، قائلا: كان فيه كواتش بايظ صحبي قالي لو ولعت فيه الرماد بتاعه بيخلي جسم أي حد ياكله، فأخدت معايا منه وتاني يوم روحنا المدرسة حطينا في قفى كل اللي واقفين في الطابور فالمدرسة كلها كانت واقفة تتهرش والعيال بتعيط واللي قلع خالص ودخل الحمام يستحمى.. وجه قصاد رزع صحبي بالقلم وأنا نطيت من الشباك.

واختتم مصطفى خاطر حديثه: أنا اكتر حد وشه بريء وفي نفس الوقت اكتر واحد بيعمل مصايب.

مصطفى خاطر وحمدي الميرغني 

كما تحدث مصطفى خاطر عن صديقه حمدي الميرغني، فقال:  مش بصحيه، أنا بشيله من على السرير واحطه تحت الحنفية وهو يصحى بقى من الماية، وأول ما يصحى يقول افيهات هو إنسان غريب جدا ورغاي وافيهاته كتير.

وكان قد عرض للفنان مصطفى خاطر مؤخرا مسلسل البيت بيتي 2 وذلك إلى جانب كلا من الفنان كريم محمود عبد العزيز والفنانة ميرنا جميل وعدد من ضيوف الشرف الآخرين من بينهم الفنان سليمان عيد، ويتم عرض العمل على منصة شاهد الالكترونية ويتصدر الاكثر مشاهدة من بين المنصات المعروضة على منصة شاهد الالكترونية.