كشف أحمد سليمان، عضو مجلس إدارة الزمالك، عن أسباب غضب النادي من جهاز المنتخب في تصريحات صحفية، حيث أوضح أن الغضب بدأ بسبب عدة أمور فنية وإدارية تخص التعامل مع لاعبي الفريق.

وقال احمد سليمان تصريحات تليفزيونية: "فيه جزء فني وجزء إداري في الموضوع. بالنسبة للجزء الفني، محمد عواد حارس مرمى الزمالك كان متألق مع الفريق، وكان ليه دور كبير في فوزنا ببطولة أفريقيا وكأس السوبر الإفريقي، وده مش كلامنا إحنا بس، ده كل النقاد والإعلام شهدوا بكده. عواد كان بيلعب أساسي في كل المباريات المهمة، وكمان كان ليه دور كبير في الفوز بالسوبر المصري".

وتابع: "فوجئنا إنهم في مباراة المنتخب، بدل ما يلعب الحارس الأساسي، قرروا يدخلوا حارس تاني ده كان ليه رد فعل كبير، لأن كل الناس عارفين إن عواد هو الحارس الأجدر في الفترة دي. كمان المدير الفني للمنتخب قال إنه كان ناوي يدخل عواد في الشوط التاني لو فزنا، وده تقليل كبير من إمكانيات حارس زي محمد عواد".

وأضاف: "أما عن الجزء الإداري، ده كان فيه حاجات تانية زي إن بعض لاعبي الأندية كانوا متأخرين يوم عن كل الفرق داخل المعسكر، ده غير سوء التعامل مع لاعبي الزمالك اللي حالياً متصدرين الدوري المصري، بطل أفريقيا، وكأس السوبر الإفريقي".